من انجليزي لعربي لمشرقي
1 min readJul 26, 2021
قبل سنتين٬ تعرفت بالصدفة عدكتور قبطي ببيروت. هالدكتور حكالي قصة صارت معه لما كان عمره ٢٢ سنة بسيسلي٬ بإيطاليا. قصة غير عن كل القصص اللي بالعادة منسمعها.
رجعت ععمان٬ القصة ضلت تلف براسي وقررت اني اعملها قصة قصيرة. وقتيها كتبت اول نسخة بالانجليزي٬ بعدين صاحبة الي (پولين عيسى) عملتلي اياها بالعربي الفصحى.
قبل يومين قررت اعملها بالمشرقي العمّاني، والصراحة ما توقعت انه احب اكتب القصة لهالدرجة٬ يعني عم بتخيل القصة كإنها قدامي٬ وقادر اسمع حالي وانا بكتبها٬ لانه هيك بحكي اصلاً طول النهار كل يوم…فصفنت بحالي: طب انا ليش ما بكتب هيك دايماً؟
يا جماعة لازم لازم لازم نصير نكتب بلغتنا المحكية ولازم نعلم ولادنا يعملوا نفس الإشي. هالموضوع جد بفرق من ناحية انه بقربنا عالكتب والقراية والتواصل اكتر.
للي حابب يقرا القصة٬ هي اللينك:
انجوي.
سلام.
